香港油麻地｜Lok Fu Dining Room

滿足，不枉此行。 食物夠熱，但不會過燙。當然晚點吃便可能涼了（冷氣比較足）。 三文治足料（番茄、芝士、牛肉、蛋），有烘底所以脆脆的。牛腩有少少韌，但不柴。雖然只叫了半份，但一個女生食已經覺得幾飽。 莞茜燒賣有覺得驚喜，齒頰留香，下次會過來食多次。 侍應態度都幾好，當時有人賴賬不付款，侍應有好好處理，事後也沒有帶情緒給其他客人。手機下單，但是如果想要向侍應下單也是會接受的。 看其他客人吃常餐，不少人都吃不完，因為份量較多。 近地鐵站，十分方便，整體氣氛良好。 總共花費$46。

星期六放假去油麻地搵個 friend 傾下偈，順便一齊食晏。朋友提議嚟呢間主打滷水牛腩粉麵同手工燒賣嘅「老虎岩餐室」。 原來係大埔「老虎岩(第6座)潮式粉麵咖啡」新開嘅分店，餐廳位於砵蘭街，店面企理開揚，地下連閣樓，環境寬敞闊落，整體感覺舒服。 點左兩個套餐，新鮮爽腩麵同牛腩芝士蛋三文治，另外再加左蒸手打燒賣 ($12) 同 芫荽燒賣 ($16) 各一份。 兩款燒賣都係餐廳自家炮製，前者以魚肉及半肥瘦豬肉自家手打，食落魚味好突出，嗒落帶淡淡豬肉香。至於後者更加入了芫荽製作，彈牙魚肉夾住適量嘅芫荽，入口香氣逼人，賣相與食味俱佳。 新鮮爽腩麵 ($55) 爽腩選用了本地新鮮貨，食落肉質好鬆化，肥瘦適中，既腍身又入味，滷水深厚味濃。麵底水準亦唔錯，麵質爽口，煙韌富嚼勁。 牛腩芝士蛋三文治 ($47) 三文治參考左西班牙三文治嘅做法，兩邊麵包都用牛油煎過，食落好香口，牛腩分量十足，芝士濃香惹味，加埋炒蛋同蕃茄，成個配搭真係冇得輸，飽肚又滿足。 意猶未盡，決定再加多客油醬多 ($19)，麵包烘得很香口，外脆內軟，入面塗滿了牛油和花生醬，牛油富香氣又不會有羶味，花生醬味道非常濃郁，雙重滋味。 跟餐飲品點左黑糖仙草奶茶 (+$18) 同 手調樽仔奶茶 (+$12)，前者仙草滑潤有彈性，茶醇奶滑，入口有黑糖香，唔錯。樽仔奶茶採用了金茶王茶底，喝起來味道香濃且充滿茶香，入口涼透心。

牛腩蛋芝士三文治 $47 手調樽仔奶茶 ＋$5 招牌生骨湯底 $ 62 -粗生麵 -原汁牛腩 -金錢肚 -生菜 炸手打燒賣 （4粒）$16 又喺時候推介間好嘢比大家食，今次食老虎岩，樣樣嘢都幾吸引。見到牛腩蛋芝士三文治，當然要叫一份嚟試吓啦，整體嚟講真喺唔錯，茄同蛋唔老亦唔嫩，份腩食落同平時口感真喺好唔同，我覺得幾特別，如果要好好容形，我諗要食多次先得HA 炸嘅燒賣好食真喺少有，多數皮都會炸得太厚，而呢間喺剛剛好 ，而且內裡魚肉都有啲唔同，你咬開一半就知。 生骨湯一飲就知足料，另上一碗原腩汁，而牛腩半肥瘦最啱我口味，以牛肚唔使講，好彈牙囉。下次我會再食。最緊要喺佢一碗好多牛肚。。正。 因為生骨湯呀，唔會放太耐，唔喺吸曬啲油，啲麵會好油好肥膩。