香港大角咀｜昌興麵家

食頭幾啖麵真係想喊。因為好耐好耐好耐未品嚐過咁好味咁地道嘅麵食。如果你係香港屋村仔就明白喺街市食到嗰種風味。 麵質爽，水餃啲蝦又係爽，連牛肚都係爽肚，牛蒡厚薄啱啱好，索曬啲湯汁。仲有辣椒醬同醋係冇開稀嘅，好濃味。實在正到唔知點講！

豬手麵、同水餃麵都真係得。初頭以為會食唔晒，結果全部清。撈麵估計係落咗豬油，又香又滑。大地魚湯有啲味精，冇其他名店咁原汁原味。嗰碟芥蘭菜淥得啱啱好，呢排啲菜又甜，喺近期食到最佳作品。

普通小店，做街坊生意，但老闆是用心做好每一碗麵，真材實料的湯底配美味食材，招牌菜: 水餃麵。