香港灣仔｜Golden Bauhinia Sang Kee

老闆做成單大生意請食飯 秘書小姐幫手揀～ 揀左間米芝蓮推介餐廳🤭🤭 沿路入餐廳已經見到唔少餐廳同廚師所得嘅獎項👍 金紫荊生記粵菜廳裝修高雅 樓底高 充滿空間感 枱與枱之間間隔闊落 我地玩得開心啲都唔怕騷擾到人 食左最新嘅「品•味」套餐 用上有別於正式餐單嘅食材 帶出另一種味覺體驗 前菜薈萃 焦糖黑豚叉燒，蔥油海蜇花，煙燻素鵝 梅頭叉燒入口鬆軟甜膩 海蜇花爽脆彈牙，上品👍 煙燻素鵝，煙燻味突出 千層腐皮皮薄饀靚，內裏包著芹絲蘿蔔絲再香煎而成 龍皇杏汁燉白肺 用上大顆龍皇杏磨汁熬燉而成 入口甘而唔苦 相當養顏滋潤🤭🤭 秘書姐姐果然識自肥 薑蔥千層竹波士頓龍蝦 啖啖肉龍蝦！ 仲有已起肉嘅龍蝦鉗一人一件唔駛爭🥰 底層仲有蔥段薑段炸魚片 傳統煮法用上新式presentation 感覺唔同晒！ 火焰鹽焗雞 大廚先將茅台灑上鹽焗雞上再點火 令鹽焗雞添上酒香 然後再讓我地眾人一起打碎鹽磚 有得玩有得食！ 鹽焗雞上枱後 再度灑上茅台點火 火焰鹽焗雞因而得名🔥 雞肉嫩滑茅台香 而且雞件切法令骨少肉多 啖啖肉容易食👍 意大利黑醋松板肉 用上意大利黑醋 甜膩黑醋令松板肉嘅脂感降低 而且份量都係點到為止 剛好的幸福 香蔥雞油蒸馬友柳 馬友當造 用黎起肉成柳 魚肉唔腥兼充滿魚油 甘香可口👍 蝦乾梅菜蒸勝瓜 清甜解膩嘅蔬菜 堂弄砂窩鮑魚焗飯 矜貴之選 大廚喺我地面前加入鮑魚快炒 絕無欺場 飯粒乾爽 鮑汁味濃 桂花雪燕3.6牛乳奶凍配芝麻卷 又係自肥項目 雪燕牛乳美白 芝麻卷烏髮滋澤 美女們滿意 老闆就滿意了～ 最後齊齊講句多謝老闆 希望美食陸續有來🙏🙏🙏

行完展覽滿載而歸，肚餓極了，到了金紫荊廣場隔鄰的落地玻璃中餐館開餐，樓底極高坐得舒服。首次光顧，服務及菜式都非常滿意。頭盤有醬香酒醉鵝肝($298) 這款潮州鵝肝較為爽口，一上枱已聞到濃濃的酒香。另一頭盤是蔥油海蜇花($168) 蔥油爆香美味，海蜇非常有咬口，真的一啖接一啖停不了口。老壇酸菜桂花魚需要訂購的，好在朋友醒目一早訂了，魚片份量多而且滑口，麻香味較重合我口味。香蔥雞油蒸馬友 ($398)頗有驚喜，魚肉厚身兩邊又煎得甘香脆皮，想不到台灣馬友也如此有彈性，伴碟的蔥香更增添美感。玻璃脆皮貴妃雞 ($488/隻)採用了貴妃雞的做法，先以瑤柱及豆腐湯底煮到入味，鹹香味十足，外皮脆身油份又不多，是個健康的菜式。香葱鮑魚砂鍋焗飯 ($338) 服務員會在客人枱前即場烹製，鮑魚是新鮮的，份量頗多而且味道夠鮮又彈牙，打卡必叫美食。芒蝦甜梅菜心蒸勝瓜($188)清清的又醒胃，有緣的才會吃到。甜品有胭脂桃膠3.6牛乳奶凍，桃膠舖滿面，奶凍滑溜溜，甜度剛剛好。還有懷舊甜點金絲脆麻花拌芝麻卷，皮薄但芝麻香濃，用料十足。特別菜式建議先預訂，值得一試。

精緻中菜伴醉人維港景色✨ 曾獲多年米芝蓮推介的老字號生記進駐金紫荊粤菜廳了，可以邊欣賞維港夜景，邊品嚐到各種傳統地道的美味佳饈，實在是一大享受。環境華麗雅緻，設有包廂，用餐氣氛舒適，而且食物具水準，不失為聚餐宴客之選。這裡午市更有即叫即蒸點心，下次可以來試試🥢 🔸鳳梨黑毛豬咕嚕肉 咕嚕肉可說是經典粵菜之一，炸皮薄身，用上肉質軟淋又帶肉香的的黑毛豬，酸甜而且外酥內軟，非常醒胃 🔹生煎手剁蓮藕餅 煎香但毫不油膩的小菜，咬開有蓮藕的顆粒，香酥好味 🔸黃老太梅子蒸蟹 來到當然要試試生記開業至今的招牌菜式😋 傳承多年的經典味道，用充滿酸香的秘製梅子醬加生熟蒜去煮，沾飽醬汁的蟹身厚肉鮮甜，吃起來非常鮮美🦀 🔹火焰雞 上菜的時候焗雞正於有熱度的海鹽裡燜著，要用錘仔敲破🔨 剪開包裹的紙張就可以看到金黃透亮的雞身，油光閃閃，令人垂涎🤤 斬開成件狀後再加火燒一下，將雞的香味完全釋岀，絕對是視覺和嗅覺的享受。雞肉又滑又多汁，風味細緻 🔸香蔥鮑魚砂鍋焗飯 主食點了一份香蔥鮑魚砂鍋焗飯，米飯炒得乾身而且顆粒分明，底下還有香口的飯焦呢！鮑魚份量也頗多，QQ的口感，入口滿嘴甘香，不錯～